கையறு நாவல் விமர்சனங்கள், பார்வைகள்.

வணக்கம்,

கையறு நாவல் கிடைக்குமிடம்: கோ.புண்ணியவான் 0195584905 மலேசியா.

என் கையறு நாவல் தொடர்பாக எழுதப்பட்ட விமர்சனங்களை இங்கே பதிவு செய்ய நினைக்கிறேன். குறைவான எண்ணிக்கையிலே கையறு நாவலை அச்சிட்டமையால் அவை தாமதமாகக் கேட்போருக்குக் கிடைக்காமல் போகலாம்.எனவே இப்பதிவுகள் இந்நாவல் தொடர்பான விடயங்களை முன்வைத்து நாவல் வாசிக்க ஆர்முள்ளவர்களைத் தூண்டும் நோக்கமுடையவை என்ற காரணத்தால் இவற்றை இங்கே பதிவு செய்கிறேன். தபாலில் குறைந்தது 150 நாவ்லகளை அனுப்பிவிட்டேன். சுங்கை பட்டாணியிலும், கூலிமிலும் (9/10-4.2021 தேதிகளில் நாவலின் அறிமுக நிகழ்ச்சியில் குறைந்தது 100 நாவல்களை வாசகர்கள் வாங்கிச் சென்றார்கள். மேலும் நாவலை புலனத்திலும், முகநூலிலும் விளம்பரம் செய்தமையால் சுமார் 150 நூல்கள் தபால் வழியாக வாசகர்களைச் சென்றடைந்தன. 

இளைய தலைமுறையினருக்கு நம்முடைய இரண்டாம் உலக யுத்த  சப்பானியர் ஆட்சியின் மனிதக் கொடுமைகளை வாசிக்கக் கிடைக்க வேண்டும் என்ற நோக்கம் கொண்டு ஆசிரியர் பயிற்சிக் கல்லூரிகளுக்கும் நாவல்களை கொண்டுபோய்க் கொடுத்துள்ளேன்.  என்னிடம் இப்போது சொற்ப நூல்களே எஞ்சியுள்ளன.  நாவல் வெளியான நாள்தொட்டு

விமர்சனத்துக்கு உள்ளாகி பரபரப்பாக விற்றுக்கொண்டிருக்கும் சாத்தியங்களை வைத்துப் பார்க்கும் போது எஞ்சிய நூல்களும் விரைந்து விற்று முடிந்துவிடும் என்றே தோன்றுகிறது. தேடி வாசிக்க விரும்புவோருக்கு நாவல் கிடைக்கக் கூடிய ஒரே இடம் மலாயா பல்கலைக் கழக இந்திய ஆய்வியல் துறை நூலகமும், கைவசம் என்னிடன் எஞ்சியிருக்கும் நூல்கள்  மட்டுமே. இரண்டாம் பதிப்பு வெளியிட இப்போதைக்கு எந்த நோக்கமும் இல்லை அவசியம் ஏற்பட்டாலொழிய.

இனி என் வலைப்பூவில் வெளியாகும் விமர்சனங்களை வாசிப்பதன் வழி நூலைத் வாசிக்க விரும்புவோர் என்னை அணுகலாம்.(0195584905)

முதல் விமர்சனமாக ம. நவீன் செல்லியல் இணையதளத்தில் பேசிய காணொலியை இணைத்துள்ளேன். கீழக்கண்ட லிங்கை அழுத்தினால் ம. நவீன் பேசிய காணொலி கிடைக்கும். நன்றி

https://youtu.be/fNjlp8M0DxQ