காலணிகள்

கடைவீதிகளில்

கணக்கில்லா காலணிகள்

எதை வாங்குவது?

மாளிகை வாசலில்

பள பளக்கும் வண்ணங்களில்

பல நூறு செருப்புகள்

அவள் காதணிக்கு

எது எடுபடும்?

உயரத்துக்கு

எது சரிபடும்?

தேர்வு செய்யவே

ஒரு அழகுக்கலை நிபுணர்

நடிகை ஏவலுக்கு.

திருமதி மார்க்கோஸ்

இரண்டாயிரம் வகை

காலணிகள்

பாரிஸ் ஷூ கோனரிலும்

பல நூதன

நகரங்களின்

பந்தா கடைகளிலும்

பார்த்து வாங்கியதாம்

கல்யாண விருந்தின்

காலணிக்கு

அறை மாதமாய்

அலைந்தும்

அகப்படவில்லை

ஒன்றும்

செருப்பில்லா

கால்களுக்கு

சிறப்பேதும் உண்டா

பாதங்களை

இழந்தவனுக்கு

பாதுகை பெரிதில்லைதான்

பாதமே பெரிது

இவருக்கு

நாய் குதறிய

காலணிகளும் மிஞ்சவில்லை

ஜோடி பிரிந்ததும்

வாய்ப்பில்லை

ஆயிரமாயிரம் காலணிகள்

அலங்கரிக்க கால்கள் இருக்க

பாதுகை பாராத

பால்லாயிரம் கால்களின்

பிரதிநிதிக்கும்

ஒரு ஜோடிக் கால்கள் இவை

இருள் கவிந்த உலகத்தை

இதயம் இருக்கா

என்று வினவும் கால்கள் இவை

மனிதம் மரத்துப்போனதால்

மறக்கப்பட்ட

கால்கள் இவை

சிம்மாசனம் ஏறிய

பாதுகைகளில்

மிதிபட்டு

சின்ன ஆசனம்

கிடைக்காத கால்கள் இவை

Comments

MUNIANDY RAJ said…

தங்கள் கவிதை அருமை......கால்கள் இல்லாதவன் இதைக் கவனிக்கப்போவதில்லை....காலணி இல்லாதவன் இதை மதிப்பதில்லை.

November 20, 2011 at 1:05 AM

கவிதைக்குள் பாதாம்பருப்பு

நா ன் பணியாற்றிய ஒரு பள்ளியில் ஓர்இளைஞர் தற்காலி ஆசிரியராக வந்து சேர்ந்தார். தொடக்கத்தில் அவர் சாமான்ய இளைஞரைப்போலத்தான் தோன்றினார். ஆனால் அவரிடம் சில கோளாறுகள் இருப்பது சற்றுத் தாமதமாகத்தான் தெரிய வந்தது. உடன் வேலை செய்யும் ஆசிரியர்கள் கொடுத்த புகார்களின் பேரிலும் நானே நேரடியாக அனுபவித்ததின் பேரிலும் . அவரை தொடர்ந்து பள்ளியில் வைத்திருப்பது ஆபத்தானது என்று முடிவெடுத்து மாவட்டக் கல்வி இலாகாவின் கட்டளையின் பேரில் அவரை வேலையிலிருந்து உடனே நிறுத்திவிட்டேன். பள்ளியில் படிக்கும்போது அவர் மிகவும் கெட்டிக்கார மாணவராக இருந்திருக்கிறார். அசாதாரண அறிவாளி தரத்தில் வைத்துப் பார்க்கவேண்டியவர் என்று அவரோடு படித்து இன்றைக்குப் பல்கலைப் பேராசிரியாரா...

யானையின் பாதத்தடம்

இ ம்முறை வல்லினம் விருது பி.எம் மூர்த்திக்கு வழங்கப்படுகிறது. அதனை முன்னிட்டு மூர்த்தியையுடனான என் அனுபவப் பகிர்வு இக்கட்டுரை. மூர்த்தியை நான் முதன் முதலில் ஜித்ரா ஐ ஏ பி கல்விக் கழகத்தில்தான் சந்தித்தேன். இது நடந்து கிட்டதட்ட 35/40 ஆண்டுகள் கடந்துவிட்டன. எங்கள் இருவருக்கும் ஒரே அறை ஒதுக்கப்பட்டிருந்தது ஒரு தற்செயல் அல்ல அது ஏதோ ஓர் ஏற்பாடு என்று முதலில் நான் அறிந்திருக்கவில்லை. குளிர்சாதன வசதி இல்லாத அறை அது. இரவில்கூட வெக்கை உக்கிரமாகத் தாக்கும். 30 மைல்கள் ஓடிவிட்டது போல வியர்த்துக் கொட்டும். இரு முறை மும்முறை இரவில் குளித்தவுடனும் வியர்க்கும். இவ்வாறான கையறு நிலையில் உஷ்ணத்தைக் குறைக்க சில அசட்டுத்தனமான யோசனைகள் தோன்றுவது இயல்பு. உறக்கம் வராமல் தவித்துபோது , சிமிந்துத் தரையில் வாலி வாலியாக தண்ண...

சீ.முத்துசாமி தேர்ந்தெடுத்த எழுத்திலக்கு வெல்லும் இலக்கு.

சீ.முத்துசாமி தேர்ந்தெடுத்த எழுத்திலக்கு வெல்லும் இலக்கு. சீ.முத்துசாமி அறிமுகமான தொடக்க காலம்தொட்டே எனக்கும் அவருக்குமான விலகல் தொடங்கிவிட்டிருந்தது .அது என்ன காரணத்தினால் என்று என்னால் அருதியிட்டுச் சொல்லத் தெரியவில்லை. சம வயது கலைஞர்களுக்கே உரித்தான காழ்ப்பு மன இயல்பாகக் கூட இருக்கலாம். அவர் யாரிடமும் நெருக்கமாக பழகும் குணமுடையவர் அல்ல. எம் ஏ இளஞ்செல்வனும் அவரும் சமகாலக் கலைஞர்களாக இருந்தாலும் அவர்களிடையேகூட விலகல் இருந்துகொண்டே இருந்ததை நான் அவதானித்தேன். சீ.முத்துசாமி ஒரு தனிமை விரும்பி. சொற்களை அளந்து பேசுபவர். சக நண்பர்கள் விரும்பாத தொனியில் சொற்களை உபயோகிப்பவர். இந்தக் காரணங்களின் பொருட்டே அவர் தனித்த பாதையைத் தேர்ந்தெடுத்திருக்கலாம்..அது சில தனிமனிதர்களின் இயல்பு என்று பின்னாளில் புரிந்துகொண்டேன். எனக்கும் அவருக்குமான விரிசல் ஒரு சந்தர்ப்பத்தில் விஸ்வரூபம் எடுத்தது. நான் 1995 முதல் 2005 வரையில் கெடா மாநில எழுத்தாளர் சங்கத் தலைவராக இருந்தேன். நான் விரும்பி ஏற்றுக்கொண்ட பதவி அல்ல அது. என்னிடம் வற்புறுத்தி கொடுக்கப்பட்ட ஒரு பணி. லாங்காவியில் ஐந்து ஆண்டுகால ...

கோ.புண்ணியவான்

Search This Blog