Skip to main content

ஜெயமோகனோடு மலேசியாவில் ஒரு இலக்கிய முகாம்


குழப்பம் 4

ஜெமோவோடு பீஷ்மரும் அம்பையும் மற்ற துணை நடிகர்களும்

          
                       விரிவுரைஞர் குமாரசாமி அன்று எப்போதுமற்ற உற்சாகத்தில் இருந்தார். ஜெமோவின் தீவிர வாசகர் அவர். ஜெமோவை தன் பினாங்கு கல்லூரிக்கு வரவேற்பதில் அவரின் ஆர்வம் அவரை வேறு ஒரு குமாரசாமியாகக் காட்டியது. அறிவுலகம  சார்ந்து இயங்கும் மனிதர்களைப் பார்க்கும்போதெல்லாம் நமக்கு உற்சாகம் வந்துவிடுகிறது. பினாங்கு பயணமான எங்கள் குழு  தீவிர இலக்கியத்தை முன்னெடுக்கும் சிறிய குழு. திங்களுக்கு ஒரு முறை இலக்கியம் பற்றி பேசுவதற்கு கூடும்போதெல்லாம் இனம்புரியாத மகிழ்ச்சியில் இருப்போம். ஜெயமோகனின் வருகை எங்களுக்கு கூடுதல் ஆனந்ததைத்க் கொடுத்திருந்தது.

கல்லூரி நிகழ்ச்சியைத் தாமதமில்லாமல் தொடங்கி இருந்தார்கள். தொடக்கமே அம்பையும் பிதாமகரும் தோன்றும் ஒரு காட்சிக்கு மேடை தயார் நிலையில் இருந்தது.

அம்பை பீஷ்மரை மணம் புரிய கெஞ்சி பின்னர் அவர் அதற்குத் தான் சரியானவர்  என்று வாதாடி,அதற்கு  பீஷ்மரை உக்கிரமாக எதிர்கொள்ளும் காட்சி அரை மணி நேரம் சோடைபோகாமல் நடித்துக் காட்டப் பட்டது. அக்குறு நாடகத்துக்கு எரிதழல் என்று மிகப் பொருத்தமாகப் பெயரிடப்பட்டிருந்தது.பீஷ்மர் தன்னை பிஷ்மராகவே மாற்றிக்காட்டினார். அம்பை பெண்மையின் புனிதத்தையும், வன்மத்தையும் நடித்து அரங்கத்தைக் கவர்ந்தார். எனக்குப் பிடித்திருந்தது. மிதமான ஒப்பனை, மேடை அலங்காரம் நாடகத்துக்கு மெருகூட்டியது. ஜெயமோகனின் வெண்முரசின் முதற்கனலில் வந்த ஒரு சிறு பகுதி.  அவரின் புனைவால் அது மிக முக்கிய இடத்தைப் பிடித்திருந்த காட்சி. வார்த்தைகளுக்குள்ளேயே காட்சிப்பிம்பத்தை உருவாக்கிக் காட்டியிருந்தார் ஜெ. அதனை கல்லூரி மேடைக் காட்சி சோடைபோகாமல் செய்து மறு உயிர் கொடுத்திருந்தது.

 நாடகம் முடிந்து நான் பீஷ்மரை கைகுலுக்கி வாழ்த்தினேன். அப்போதும் அவர் பீஷ்மரவே என்னை எதிர்கொண்டார்.ஒருகால் அவர் ஒப்பனையில் இருந்ததால் மீண்டும் மாணவராகாமல்  இருந்தாரோ என்னவோ.பாத்திரத்துக்குள் ஒன்றிப்போயிருக்ககூடும். அம்பை என் வாழ்த்தினை ஒரு புன்னகையோடு ஏற்றுக்கொண்டாள். சமீபத்தில் நடந்த மலேசிய வடமண்டல நாடகப் போட்டியில் out standing  நாடகமாக விமர்சிக்கப்பட்டு முதலிடத்தைப் பெற்றிருக்கிறது என்று குமாரசாமி சொன்னார்.அந்நாடகத்துக்கு அத்தகுதியைத் தாராளமாக்  கொடுக்கலாம். விரிவுரைஞர்கள், நடிகர்கள் பாராட்டுக்குரியவ்ரகள்.

அன்றைய ஜெயமோகனின் உரை சிந்தனைத் திறப்புக்கான சாவியாக அமைந்திருந்தது.  கல்லூரிகளில் பேச விருப்பமில்லாதவர் ஜெமோ. கல்லூரி  ஆசிரியர்களோ மாணவர்களோ வாசிக்கும் பழக்கம் இல்லாதவர்கள். அவர்களிடம் பேசி ஆகப்போவது ஒன்றுமில்லை என்று சொல்வார். கல்லூரி நிகழ்ச்சி ஏற்பாடு செய்தாயிற்று. வேறு வழியில்லாமல் அவரை அங்கே அழைத்துக்கொண்டு சென்றோம். அவரைப்பற்றிய ஒரு பவர் பொய்ன்ட் காட்சித் தொகுப்புக்குப் பிறகு ஜே உற்சாகமாகவே பேசினார்.

கல்லூரி பாடத்திட்ட போதனையோடு பெரும்பாலான மாணவர்கள் வாசிப்பதை நிறுத்திக்கொள்கிறார்கள். மேற்கொண்டு சிந்திப்பதற்கான எந்த முகாந்திரமும் இல்லாதவர்கள். அவர்கள் ஏன் மாற்றுச் சிந்தனையை மேற்கொள்ளவேண்டும், அதனால் அவர்கள் அடையப் போகும் அக எழுச்சி பற்றி மிகுந்த உற்சாகத்தோடு பேசினார். அவரின் பேச்சின்போது மாணவர்கள் கவனம் அவரை மையமிட்டிருந்தது. தொடர்ந்து உரையாடலுக்கான நேரத்தில் வெண்முரசு சார்ந்தே வினாக்கள் எழுப்பப்பட்டன. குமாரசாமி ஜெமோவின் வலைத்தளத்தை ஆர்வத்தோடு அறிமுகப்படுத்தியிருக்கிறார் என்பது தெளிவானது. அவர்கள் வாசித்தற்கான அறிகுறிகள் அவ்வினாக்கள்.
 நாடக இயக்குனர் கோமதியோடு

எரிதழல் குறுநாடகத்தைப் பற்றி இயக்குனர் கோமதி,  ஜெமோவின் அபிப்பிராயத்தைக் கேட்டார். ஜேமோ தனக்கு மிகவும் பிடித்திருந்தது என்றார். அந்நாடகத்தை ஒரு காவிய நாடககமாக  முன்னெடுத்திருந்தால் மேலும் செறிவாக இருந்திருக்கும் என்றார். மலேசியாவில் அது சரியாக ரசிக்கப்படாது என்று எண்ணிக்கொண்டேன்.
மாணவர்கள் அவரோடு நிழற்படம் எடுத்துக்கொள்ள ஆரவமாக இருந்தனர். கல்லூரியில் பேசுவது உற்சாகக் குறைவானது என்ற தன் அபிப்பிராயத்தை ஜெமோ மலேசிய மண்ணில் அன்று மாற்றிக்கொண்டிருக்கக்ம் கூடும்.

மறுநாள் இன்னொரு ஆசிரியர் பயிற்சிக்கல்லூரியில் அவரின் நிகழ்வு. அது ஆஸ்ரமத்திலிருந்து ஒரு மணி நேரப் பயணம். அது இரவு நிகழ்ச்சியாக அமைந்திருந்ததால் அன்று காலை மலேசியாவில்  சோழர் ஆட்சி காலத்தில் கடாரத்திலும் (மலேசிய வடக்கு மாநிலம்) அவன் கால் பதித்த அரசாண்ட ஒரு நிலப்பகுதி ஒரு வரலாற்றுச் சான்றாக இன்றைக்கு பாதுகாக்கப்பட்டு வருகிறது. அந்த வரலாற்றிடத்தை 2010 லேயே ஜெமோ பார்த்திருந்தார். ஆனால் அவரோடு வந்த கிருஷ்ண்னும், ராஜமாணிக்கமும் பார்க்க ஆவலாய் இருந்தார்கள். அவர்களை அங்கு கொண்டு செல்வது யுவாவின் பொறுப்பு. அன்று மதியம் எங்கள் வீட்டில் அவர்களுக்கு மதிய விருந்துபசரிப்பு.

கடாரத்தில் சோழர் காலத்து வரலாற்றுச் சான்றுகள்

அவர்கள் வருகைக்கு நான் வீட்டில் காத்திருந்தேன். என் வீடு சோழ அரசு நிர்வகித்த கடாரத்துக்கு (லெம்பா பூஜாங்- கடல் நாகம்) என்று வரலாற்றிடத்துக்கு அருகேதான் இருக்கிறது. அவர்கள் மணி 3.00 வரைக்கும் வீடு வந்து சேரவில்லை!


தொடரும்...



 

Comments

Popular posts from this blog

கவிதைக்குள் பாதாம்பருப்பு

                                                                                                  நா ன் பணியாற்றிய ஒரு பள்ளியில் ஓர்இளைஞர் தற்காலி ஆசிரியராக வந்து சேர்ந்தார். தொடக்கத்தில் அவர் சாமான்ய இளைஞரைப்போலத்தான் தோன்றினார்.  ஆனால் அவரிடம் சில கோளாறுகள் இருப்பது சற்றுத் தாமதமாகத்தான் தெரிய வந்தது. உடன் வேலை செய்யும் ஆசிரியர்கள் கொடுத்த புகார்களின் பேரிலும் நானே நேரடியாக அனுபவித்ததின் பேரிலும் . அவரை தொடர்ந்து பள்ளியில் வைத்திருப்பது ஆபத்தானது என்று முடிவெடுத்து மாவட்டக் கல்வி இலாகாவின் கட்டளையின் பேரில் அவரை வேலையிலிருந்து உடனே நிறுத்திவிட்டேன். பள்ளியில் படிக்கும்போது அவர் மிகவும் கெட்டிக்கார மாணவராக இருந்திருக்கிறார்.  அசாதாரண அறிவாளி தரத்தில் வைத்துப் பார்க்கவேண்டியவர் என்று அவரோடு படித்து இன்றைக்குப் பல்கலைப் பேராசிரியாரா...

சீ.முத்துசாமி தேர்ந்தெடுத்த எழுத்திலக்கு வெல்லும் இலக்கு.

 சீ.முத்துசாமி தேர்ந்தெடுத்த எழுத்திலக்கு வெல்லும் இலக்கு.   சீ.முத்துசாமி அறிமுகமான தொடக்க காலம்தொட்டே எனக்கும் அவருக்குமான விலகல் தொடங்கிவிட்டிருந்தது .அது என்ன காரணத்தினால் என்று என்னால் அருதியிட்டுச் சொல்லத் தெரியவில்லை. சம வயது கலைஞர்களுக்கே உரித்தான காழ்ப்பு மன இயல்பாகக் கூட இருக்கலாம். அவர் யாரிடமும் நெருக்கமாக பழகும் குணமுடையவர் அல்ல. எம் ஏ இளஞ்செல்வனும் அவரும் சமகாலக் கலைஞர்களாக இருந்தாலும் அவர்களிடையேகூட விலகல் இருந்துகொண்டே இருந்ததை நான் அவதானித்தேன். சீ.முத்துசாமி ஒரு தனிமை விரும்பி. சொற்களை அளந்து பேசுபவர். சக நண்பர்கள் விரும்பாத தொனியில் சொற்களை உபயோகிப்பவர். இந்தக் காரணங்களின் பொருட்டே அவர் தனித்த பாதையைத் தேர்ந்தெடுத்திருக்கலாம்..அது சில தனிமனிதர்களின் இயல்பு என்று பின்னாளில் புரிந்துகொண்டேன்.  எனக்கும் அவருக்குமான விரிசல் ஒரு சந்தர்ப்பத்தில் விஸ்வரூபம் எடுத்தது. நான் 1995 முதல் 2005 வரையில் கெடா மாநில எழுத்தாளர் சங்கத் தலைவராக இருந்தேன். நான் விரும்பி ஏற்றுக்கொண்ட பதவி அல்ல அது. என்னிடம் வற்புறுத்தி கொடுக்கப்பட்ட ஒரு பணி. லாங்காவியில் ஐந்து ஆண்டுகால ...

தாமான் பெர்வீரா இடைநிலைப்பள்ளியில் சிறுகதைப் பயிலரங்கு

 துணை முதல்வர் திரு கோவிந்தசாமி  ஆசிரியர் முனிச்செல்வியுடன் நான் என் எழுத்துச் சகோதரி முனிச்செல்வி  ஏற்கனவே தான் போதித்த பள்ளிகளில் சிறுகதைப் பயிலரங்கு நடத்த என்னை அழைத்திருக்கிறார். அது ஒரு அலாதியான அனுபவம். தானும் ஒரு எழுத்தாளர் என்பதால் அவரிடம் படைப்பிலக்கியம் பற்றிய வற்றாத பற்று  ஊறிக்கொண்டே இருக்கிறது . இம்முறையும் மாணவர் பயனுற என்னை தற்போது அவர் பணியாற்றும் தாமான் பெர்வீரா இடைநிலைப் பள்ளியில் ஒரு பயிலரங்கை நடத்தச் சொல்லி கேட்டுக்கொண்டதிலிருந்து இலக்கியம் சார்ந்த அவரின் ஈர்ப்பு நன்கு புலனாகிறது.( ஏன் அவரையே அழைக்கிறீர்கள் ,எனக்கு ஒரு  வாய்ப்பு தரலாமல்லவா என்று யாராவது உங்களைக் கேட்டும் வரலாம் செல்வி) ஒரு மூன்றாண்டு காலம் தன்னுடைய முதுகலைப் படிப்பை வெற்றிகரமாய் முடித்துவிட்டு இந்தப் புதிய பள்ளிக்கு மாற்றலாகி வந்திருக்கிறார் அவர்.எங்கே போனாலும் மாணவர்களோடு அன்பான தொடர்பு வைத்திருப்பவர் இவர். அவர்களுக்கும் படைப்பிலக்கிய ஆற்றல் வளரவேண்டும் என்ற எண்ணம் உள்ளவர். கடந்த வெள்ளிக்கிழமை 17.2.2012 ல் சரியாக 12.50 க்குப் பள்ளியை அடைந்ததும் என்ன...