கவிதைக்குள் பாதாம்பருப்பு

எதேச்சதிகாரம்காரம் 1




புனையப்பட்ட

பல குற்றச்சாட்டுக்களை

முன்வைத்தும்

கடவுள் தப்பித்தே வந்தார்

ஒன்றுமே பலிக்காத பட்சத்தில்

அவரை

என்கௌண்டரில்

கொள்வதென

ஆள்பவனின் முடிவானது



எதேச்சதிகாரம் 2



அவன் இல்லாத உலகில்

ஒரு பத்து வருடம்

வாழ ஆசை எனக்கு



எதேச்சதிகாரம் 3



நீ இல்லாதபோது

இருப்பதற்காகத்தான்

இந்த ஏற்பாடென்றால்

நீ இருக்கின்றபோதே

இல்லாமல் இருப்பது ஏன்?



எதேச்சதிகாரம் 4



உன் சிலைகள்

உடைக்கப்படுவதற்காகவே

மிக நேர்த்தியாய்

கட்டப்படுகின்றன



எதேச்சிதிகாரம் 5



வாரிசாக விட்டுப்போ

மேலான உன் செருப்பை

அது போதும்.



எதேச்சதிகாரம் 6

நீ செய்த கொலைகளுள்

மிகக்கொடூரமானது

குற்றுயிரும் கொலையுயிருமாய்

நாள்கடத்தி

சாகடித்த

ஜனநாயகம்தான்.