முத்தங்களால் நிறைந்த தேசம்

முத்தம் 1.

என் மருமகனும் மகளும்

ஐரோப்பிய பயணம் தொடர்பாக எங்களுக்கு எந்த முன் திட்டமும் இல்லை. விமான டிக்கெட்டுகளை மட்டும் முன் பதிவு செய்திருந்தார் என் மருமகனார்.(ஐரோப்பிய பயணத்தை நேர்த்தியாக செய்து முடித்திருந்ததால் இநத 'னார்'.) மற்றபடி அங்கே போனதும்தான் மற்ற ஏற்பாடுகள் எல்லாம். ஆண்டு தொடக்கத்தில் பஹாருடின் பயண நிறுவனத்தோடு போகலாம் என்றே குடும்பத்தில் அறுவர் முன்பணம் செலுத்தியிருந்தோம். என் மகன், மருமகள், என் மகள், என் மருமகனார், என் தர்ம பத்தினி, நான் ஆகியோர் அந்த அறுவர். பஹாருடின் பயண நிறுவனம், பயணிகள் போதாமையால் அந்தப் பயணத்தை ரத்து செய்துவிட்டதாக அறிவித்து விட்டார்கள். ஆனாலும் என் மகள் விடுவதாயில்லை. பயணம் செய்யலாம் என்ற மனநிலையிலேயே நிலைத்துவிட்டிருந்தாள். நாம் சொந்தமாக ஏற்பாடு செய்யலாம் என்றே வலியுறுத்து வந்தார். எனக்கு அவ்வளவு விருப்பமில்லை. பஹாருதின் விதித்த அதே தொகையில் போய்வர ஏற்பாடு செய்கிறேன் என்றார். ஐரோப்பாவில் எல்லாமே நேரப்படி நடந்தேறும். தொல்லைகள் இல்லாத நாடு, அங்கே பொதுப் போக்குவரத்து குறையில்லாமல் நடக்கும்., என்றெல்லாம் என்னைக்  கவரப் பார்த்தார்கள். நான் வரவில்லை என்றேன். அவர்கள் விடுவதாயில்லை.
என் மனைவிக்கு போகவேண்டும் என்ற ஆசை. அவளும் என்னை இழுத்துக் கொள்வதில் ஆர்வம் காட்டி வந்தாள். நான் அதற்கும் இசையவில்லை.

நான் மறுத்தற்கு ரகசியக் காரணங்கள் இருந்தன. எம் எச் 370 காணாமற்போய் இன்றைய தேதிவரை ஒரு தகவலும் கிடைக்காதது ஒரு காரணம் என்றால் , இன்னொரு மாஸ் விமானம் சுட்டு வீழ்த்தப் பட்டது மேலுமொரு காரணம். 'நம்ம போற கப்பைய சுட மாட்டாய்ங்கனு  என்ன நிச்சயம்?  இப்போதுள்ள ராணுவத்தினர்  பாவிக்கின்ற ஏவுகனை வளைஞ்சி நெளிஞ்சி எங்க போனாலும் விடாம விரட்டிக்கிட்டே வந்து சுடுமாம். அது விமான இயந்திரத்தின் வெப்பத்தை உணர்ந்து பின்தொடர்ந்து வருமாம். அதிலிருந்து தப்பிக்க விமான இயந்திர இயக்கத்தை நிறுத்திவிடவா முடியும்?   எப்படியெல்லாம் யோசிக்கிறாய்ங்க! லைசன்ஸ் இல்லாத நாய்களைச்  சுடுறமாதிரி, சுட்டு போட்டுட்டு போய்க்கிட்டே இருக்காய்ங்க! சொந்தக் காசுலியே ஏன் சூன்யம் வச்சிக்கணும்?
எங்கள் பயணத் தொடரில்

சுவிட்சர்லாந்தில் கோடை காலத்திலும் பனிமலைகள்

ஆறு  முறை விமானத்தில் பறக்கும் ஏற்பாடு செய்துவிட்டிருந்தது வேறு பீதியைக் கிளப்பி விட்டிருந்தது!

ஒரு நாள் என் மருமகன் 'ஏன் நீங்க வரல? என்ன காரணம் ? என்றார் . நான் தூக்கம் கெட்டுப் போகும். இப்போதே என் தூக்க நேரம் தள்ளிக்கொண்டே போகிறது. மணி 3.00க்குத்தான் தூக்கமே வருகிறது என்று சொன்னேன். அந்நிய செலவானிக்கு நமக்கு கட்டுப்படியாகாது என்றும் சொன்னேன்.பஹாருடின் பயண நிறுவனம் கேட்ட அதே தொகையில் செய்து முடிக்கலாம் என்று உறுதி யளித்தார். அதோடு என் மனைவியும் "போய்ட்டுவரலாமே என்று மந்திரக் கோலின் அசைவுக்கு ஆட ஆரம்பித்தாள்' . அவளை மந்திரித்து விட்டது யார் என்று உங்களுக்கும் தெரியும்.

'சரி போகலாம்'  என்று சொன்னேன். என் மகனும் மருமகளும் வரமுடியாத நிலைக்கு ஆளாகியிருந்தார்கள். ஆமாம் மருமகள் இன்னொரு குழந்தைக்கு பேறு பெற்றிருந்தாள்.

எனக்குள் பயணப் பர பரப்பு தொடங்கியிருந்தது. முடிக்க வேண்டிய  வேலைகள் நிறைய கண் முன் நின்றன.  இரண்டு இடங்களில் நூல் வெளியீட்டு வேலைகள் கனமாய்த் தெரிந்தது. சுங்கைப்பட்டாணியில் எல்லாவற்றையும் நானே செய்தாகவேண்டும். சித்தியவானில் என் மைத்துனர் மாரிமுத்து ஏற்பாடு செய்து வந்தார். கட்டவேண்டிய வீட்டு மின்சார, தண்ணீர், தொலைபேசி, நகராண்மை, பயணத்துக்கு பணம் அனுப்புதல். மும்பாயில் தரையிறங்க விசாவுக்கு மனு செய்தல், பயண ஏற்பாடு  என தலைக்குமேல் வேலைகள் நிறைந்துவிட்டன. ஒரு வித யோகப் பயிற்சி செய்து வருவதால் நான் ஏற்கனவே இரண்டு கிலோ இறங்கியிருந்தேன். இப்போது இந்த சுமை வேறு. அவை எல்லாவற்றையும் விட யூரோ, பிராங்ஸ், பவுன் ஸ்டெர்லிங் பணமாற்றம் ரேட் வயிற்றைக் கலக்கியது. இருதயம் முறையாக இயங்குகிறதா என்ற அச்சம் வந்துவிட்டது. பக்கத்து வீட்டு டாக்டரிடம் ஸ்டெரெஸ் பரிசோதனைக்கு மருத்துவ மனையில் ஏற்பாடு செய்யச்சொல்லியிருந்தேன். அவர் என்னை சில உடல் ஆரோக்கியம் சார்ந்து சில கேள்விகள் கேட்டு 'சார் உங்களுக்கு வெறும் தசை நார் வலிதான் " என்றார். பரவாயில்லை ஸ்ட்ரெஸ் பரிசோதனைக்கு ஏற்பாடு செய்யுங்கள் என்றேன். மறுநாள் அவரும் என் பரிசோதனைக்கு ஒரு தேதி   ஏற்பாடு செய்து கொண்டு வந்திருந்தார். அந்நாள் நாங்கள் ஐரோப்பாவுக்குக் கிளம்பும் நாள்.
இல்லை டாக்டர் முடியாது என்றேன். நீங்கள் போய்ட்டு வாங்க அப்புறம் செய்யலாம் என்றார்.

கே எல் ஐ  ஏ இரண்டில்

அந்நியச் செலவாணியில் பணமாற்று விகிதக் கணக்கைக் கேட்டுப்பார்த்தேன். ஒரு யுரோவுக்கு  4  மலேசியா ரிங்கிட். ஒரு பிராங்க்குக்கு கிட்டதட்ட அதே விலை.ஆனால் ஒரு பவுன் ஸ்டெர்லிங்கின் விலை 5 ரிங்கிட் 60 சென்.
இதயம் தாங்குமா? தாங்குறதுக்குதான் வயசுதான் இருக்கா?
நம்ம பணம் மட்டும் ஏன் இறங்குமுகமாகவே இருக்கிறது. சிங்கை டாலர் பாருங்க நாளுக்கு நாள் எகிறுகிறது.

நாங்கள் சுங்கைப் பட்டாணியிலிருந்து கே எல் ஐ ஏவுக்கு காரிலேயே போவதாகத் திட்டம். திரும்பும் நேரம் சில தாமதங்களால் இடையூறு நேரலாம் என்பதால் . பினாங்கிலிருந்து விமானப்பயணம் மேற்கொள்ளவில்லை.  கே எல் ஐ ஆவிலிருந்து அபு டாயில் தரை இறங்கி ,மூன்று மணி நேரம் கழித்து ரோமுக்கு பயணமாகி, மீண்டும் இரண்டு மணி நேர இடைவெளியில் ஸ்பேய்ன் பார்சிலோனாவில் இறங்கி, இரண்டு நாட்கள் கழிப்பதாக ஏற்பாடு. விமானப் பயண நேரம் மட்டுமே கிட்டதட்ட 12 மணி நேரம்.

                            ஸ்பேய்ன் பார்சிலோனா நகரில் மகளின் traffic offence

தொடரும்.....